Lögfræðingur úthúðaði stuðningsmönnum Liverpool og missti starfið

Clive O'Donnell, stuðningsmaður Chelsea, lét gamminn geisa þegar hann var spurður út í stöðu Jose Mourinho hjá félaginu eftir 3-1 tap liðsins gegn Liverpool í síðasta mánuði.

Það væri ekki í frásögur færandi nema að ummæli hans hafa nú kostað hann starf sitt á lögfræðistofu í London. Vinnuveitandi hans gekk meira að segja svo langt að birta myndband þar sem afstaða fyrirtækisins er útskýrð.

O'Donnell var harðorður í garð stuðningsmanna Liverpool og kallaði þá meðal annars úrhrak. Í yfirlýsingu lögfræðistofunnar er sagt að fyrirtækið fari á að starfsmenn séu umfram allt góðar manneskjur sem beri virðingu fyrir samfélaginu.

Viðtalið umrædda má sjá hér en yfirlýsinguna hér fyrir neðan.