West Ham og Chelsea höfðu ekki stjórn á sínum leikmönnum

Ensku úrvalsdeildarliðin West Ham og Chelsea hafa bæði fengið væna sekt frá enska knattspyrnusambandinu.

Sektin kemur til vegna framkomu leikmanna liðanna í leik þeirra 24. október síðastliðinn þegar West Ham vann 2-1 sigur á Upton Park.

Fimm leikmenn Chelsea fengu gula spjaldið í leiknum og bæði Nemanja Matic og Jose Mourinho fengu að líta rauða spjaldið.

Leikmenn West Ham umkringdu Jonathan Moss þjálfara eftir að Nemanja Matic tæklaði Diafra Sakho á 44. mínútu en í kjölfarið fékk Matic rautt spjald.

Chelsea þarf að greiða 50 þúsund pund í sekt eða um tíu milljónir íslenskra króna.  

West Ham þarf að greiða 40 þúsund pund í sekt eða um átta milljónir íslenskra króna.

Bæði félögin fengu einnig viðvörun um að svona mætti ekki gerast aftur því annars væri von á harðari refsingum.

Jose Mourinho, knattspyrnustjóri Chelsea, er búinn að taka út sína refsingu fyrir að vera rekinn upp í stúku í leiknum. Hann var í leikbanni á móti Stoke um helgina og þurfti einnig að greiða 40 þúsund pund í sekt eða um átta milljónir íslenskra króna.

BBC tók saman ítrekaðar sektir Chelsea að undanförnu og það er hægt að sjá þá samantekt hér fyrir neðan.



Sektir Chelsea á þessu tímabili:

40 þúsund pund - 8 milljónir

Fyrir að hafa ekki stjórn á sínum leikmönnum í 2-0 sigri á Arsenal 19. september.

50 þúsund pund - 10 milljónir

Fyrir ummæli Jose Mourinho eftir 3-1 tap á móti Southampton  3. október.

40 þúsund pund - 8 milljónir

Fyrir rifildi Jose Mourinho við dómarann í hálfleik í 2-1 tap á móti West Ham 24. október.

25 þúsund pund - 5 milljónir

Fyrir að fá meira en fimm gul spjöld á móti West Ham 24. október.

50 þúsund pund - 10 milljónir

Fyrir að hafa ekki stjórn á sínum leikmönnum í 2-1 tapi á móti West Ham 24. október.