Garde ráðinn í dag

Aston Villa mun í dag tilkynna um ráðningu á nýjum knattspyrnustjóra félagsins.

Frakkinn Remi Garde verður þá kynntur til leiks sem arftaki Tim Sherwood sem var rekinn á dögunum.

Garde mun skrifa undir þriggja og hálfs árs samning við félagið. Hann mun þó horfa á leik kvöldsins gegn Spurs úr stúkunni.

Þessi 49 ára Frakki tekur við liði í botnsæti ensku úrvalsdeildarinnar en Vilal er aðeins með fjögur stig eftir tíu leiki. Það er því verk að vinna.

Þessi gamli miðjumaður kannast vel við sig í enska boltanum enda var hann fyrsti leikmaðurinn sem Arsene Wenger keypti til Arsenal á sínum tíma.

Hann lagði skóna á hilluna aðeins 33 ára og fór að þjálfa. Árið 2011 tók hann við stórliði Lyon í Frakklandi en hætti á síðasta ári af persónulegum ástæðum.