Leicester komst upp að hlið Manchester City og Arsenal með naumum sigri | Öll úrslit dagsins

Jamie Vardy skoraði sigurmark Leicester City í 2-1 sigri á Watford í ensku úrvalsdeildinni í dag en með sigrinum skaust Leicester upp að hlið Arsenal og Manchester City á toppi ensku úrvalsdeildarinnar.

Vardy skoraði þar með í níunda leiknum í röð og getur hann jafnað met Ruud Van Nistelrooy að skora tíu leiki í röð takist honum að skora í næsta leik liðsins.

Norwich skaust upp fyrir Chelsea í 15. sæti ensku úrvalsdeildarinnar með 1-0 sigri á Gylfa Þór Sigurðssyni og félögum í Swansea í dag.

Norwich hafði tapað fjórum leikjum í röð fyrir leik dagsins en komst aftur á sigurbraut í dag. Miðjumaðurinn Jonathan Howson skoraði eina mark leiksins en Gylfi var tekinn af velli ellefu mínútum fyrir leikslok.

Lærisveinar Sam Allardyce í Sunderland töpuðu öðrum leiknum í röð á heimavelli í dag en Dusan Tadic skoraði eina mark leiksins fyrir Southampton af vítapunktinum.

Þá gerðu West Ham og Everton jafntefli á heimavelli West Ham en Romelu Lukaku jafnaði metin fyrir Everton eftir að Manuel Lanzini kom West Ham yfir um miðbik fyrri hálfleiks.

Úrslit dagsins:

Leicester 2-1 Watford

Sunderland 0-1 Southampton

West Ham 1-1 Everton

Norwich 1-0 Swansea