Lingard kom Manchester United á bragðið í öruggum sigri | Sjáðu mörkin

Jesse Lingard og Juan Mata sáu um markaskorunina í 2-0 sigri Manchester United á West Bromwich Albion í 12. umferð ensku úrvalsdeildarinnar í dag. Mörkin má sjá í spilaranum hér fyrir ofan og hér fyrir neðan.

Louis Van Gaal, knattspyrnustjóri Manchester United, stillti upp sama liði og í leiknum gegn CSKA Moskvu á þriðjudaginn.

Heimamenn voru ívið sterkari í leiknum og komust verðskuldað yfir í upphafi seinni hálfleiks. Féll þá boltinn fyrir fætur Lingard við vítateigslínuna eftir slaka hreinsun og lagði hann boltann í fjærhornið.

West Brom færði sig framar á völlinn eftir það og fékk Saido Berahino sannkallað dauðafæri til að jafna metin korteri fyrir leikslok en skalli hans af meters færi fór hátt yfir markið.

Juan Mata gerði út um leikinn í uppbótartíma af vítapunktinum en dæmd var vítaspyrna á Gareth McAuley fyrir brot á Anthony Martial í uppbótatíma. Spænski miðjumaðurinn steig á vítapunktinn og tryggði stigin þrjú með öruggri spyrnu.

Manchester United lyfti sér aftur upp í 4. sætið með sigrinum, upp fyrir West Ham en lærisveinar Van Gaal eru einu stigi á eftir Arsenal og Manchester City á toppi deildarinnar sem eiga leik til góða á morgun.

Mark Mata: