Begovic segir leikmennina standa með Mourinho

Asmir Begovic, markvörður Chelsea, segir alla leikmenn liðsins standa við bakið á Jose Mourinho, knattspyrnustjóra liðsins, þrátt fyrir slakt gengi undanfarnar vikur.

Töluverð pressa er á Mourinho þessa dagana en liðið hans tapaði þriðja leiknum í röð í ensku úrvalsdeildinni í gær en meistararnir hafa tapað sjö af fyrstu tólf leikjum tímabilsins og situr í 16. sæti.

Mourinho tók út leikbann í gær og var því ekki á hliðarlínunni í 0-1 tapi gegn Stoke á útivelli en næsti leikur liðsins er gegn Norwich á útivelli eftir landsleikjahlé.

„Við stöndum allir þétt við bakið á honum eins og sást á frammistöðuni í gær. Við teljum að hann sé rétti þjálfarinn fyrir starfið og við munum berjast fyrir hann til þess að ná réttu úrslitunum. Þrátt fyrir að hann hafi ekki verið með okkur í gær fundum við fyrir nærveru hans.“