Þriðji markalausi leikur United í röð

Manchester United mistókst að skora þriðja leikinn í röð þegar liðið gerði markalaust jafntefli við Crystal Palace á Selhurst Park í dag.

Lærisveinar Louis van Gaal eru í 4. sæti ensku úrvalsdeildarinnar með 21 stig, fjórum stigum á eftir Manchester City og Arsenal sem verma tvö efstu sætin.

Palace er í 8. sæti en liðið hefur aðeins fengið eitt stig úr síðustu þremur leikjum sínum.

Leikurinn var heldur rólegur en heimamenn voru þó nær því að skora í dag.

Þrátt fyrir vonbrigðaúrslit getur Van Gaal þó huggað sig við það að United hélt hreinu í þriðja leiknum í röð og í sjöunda sinn í 11 deildarleikjum í vetur.