Mætti stoltur með finnska gullið sitt og sýndi Klopp | Myndband

Allan Rodrigues de Souza, 18 ára miðjumaður í eigu Liverpool, hjálpaði finnska liðinu Seinäjoen Jalkapallokerho að verða finnskur meistari í fyrsta sinn um síðustu helgi.

Liverpool lánaði de Souza til Seinäjoen Jalkapallokerho í september og var hann með með 2 mörk og 5 stoðsendingar í átta leikjum með liðinu.

Seinäjoen Jalkapallokerho tryggði sér titilinn í lokaumferðinni um síðustu helgi með 2-0 sigri á Jaro.

Allan Rodrigues de Souza er fæddur í mars árið 1997 og kom til Liverpool frá Internacional í sumar. Hann er örfættur og spilaði oftast sem afturliggjandi miðjumaður í Brasilíu.

Liverpool setti skemmtilegt myndband inn á heimasíðu sína þar sem sést þegar Allan Rodrigues de Souza hitti knattspyrnustjórann Jürgen Klopp í fyrsta skiptið.

Strákurinn var augljóslega mjög spenntur að hitta stjórann og það leyndi sér ekki að hann var ánægður með vel heppnað lán til Finnlands.

Allan Rodrigues de Souza var með meistaragullið og treyjuna með sér og leyfði Klopp að skoða eins og sést í myndbandinu hér fyrir neðan.

Upon his return to Melwood, Allan Rodrigues de Souza had the chance to show #LFC manager Jürgen Klopp his Finnish league title medal. Visit http://www.liverpoolfc.com/video now for more footage of the Brazilian.

Posted by Liverpool FC on 29. október 2015