Stoke neytt til að spila á löglega stórum velli á næstu leiktíð

Mark Hughes, knattspyrnustjóri Stoke í ensku úrvalsdeildinni í fótbolta, hefur engjar áhyggjur af því að félagið þurfi nú að stækka grasvöllinn í löglega stærð fyrir næstu leiktíð.

Brittania-völlurinn er einn leikvangana úrvalsdeildinni sem hefur pláss fyrir leikvöll upp á 105x68 metra, en það er sú stærð sem forráðamenn deildarinnar vilja notast við.

Tony Pulis, fyrrverandi knattspyrnustjóri Stoke, vildi aftur á móti spila á 100x64 metra stórum velli sem hentaði leikstíl Stoke-liðsins hans mjög vel.

Enska úrvalsdeildin heimilaði það til þriggja ára en þeirri undanþágu er nú lokið. Þar sem Brittania-völlurinn er nógu stór verður félagið að mæta til leiks með löglegan völl á næstu leiktíð.

„Við þurfum ekki lítinn völl til að vinna leiki hérna. Þetta mun ekki hafa nein áhrif á okkur,“ sagið Mark Hughes, knattspyrnustjóri Stoke á blaðamannafundi í dag.

„Þetta hefur ekkert með mig að gera samt. Við erum bara tilneyddir til að stækka völlinn. Á móti sögðum við, að ef það væru minni vellir en okkar í deildinni hlyti að vera að við mættum vera með jafnlítinn völl og sá minnsti.“

„Ég held við fengum þessi þrjú ár til að átta okkur á því að svona yrði þetta ekki til framtíðar. Og nú eru þau þrjú ár liðin. Völlurinn verður því stærri því við getum haft hann stærri,“ sagði Mark Hughes.