Leikmenn Man. Utd til í að greiða vel fyrir trekant

Tveir ungir leikmenn Man. Utd buðust til þess að greiða 19 ára gamalli stúlku tvær milljónir króna ef hún svæfi hjá þeim báðum.

Stúlkan heitir Kelly McKinney og strákarnir sem vildu sænga hjá henni eru Andreas Pereira og Paddy McNair. McNair hefur spilað nokkuð með liðinu í vetur en Pereira fékk sitt fyrsta tækifæri gegn Spurs um síðustu helgi.

„Ég datt næstum af stólnum er ég sá að þeir voru til í að greiða mér tvær milljónir fyrir trekant. Hvaða viðbjóður gerir svona? Ég er ekki þannig persóna og fannst þetta mjög móðgandi," sagði McKinney en hún var fljót að fara með málið í blöðin.

Hún segist hafa fengið sms frá Pereira þar sem þeir segjast vera til í að greiða milljón á mann.

Umboðsmaður hins 19 ára gamla Pereira fannst þetta ekki verið mikið mál.

„Þetta er ungur strákur og einhleypur þar að auki. Hann má sofa hjá þeim sem hann vill. Fyrir hvað ætti hann eiginlega að afsaka?" sagði umbinn.