Ramsey farinn frá QPR

Enska félagið QPR rak í gær stjórann sinn, Chris Ramsey, en hann er aðeins með liðið í 13. sæti í ensku B-deildinni.

Les Ferdinand, yfirmaður knattspyrnumála hjá félaginu, sagði að ákvörðunin hefði verið tekin með hagsmuni félagsins að leiðarljósi.

Fyrrum stjóri félagsins, Neil Warnock, tekur við starfinu tímabundið en hann hafði verið að sinna ráðgjafarstörfum fyrir félagið.

QPR féll úr úrvalsdeildinni síðasta vor og ætlaði sér beint upp aftur. Sú áætlun hefur ekki gengið vel hingað til og Ramsey fær að blæða fyrir það.