Segir í ævisögu Ronaldo að hann dreymi um að snúa aftur á Old Trafford

Cristiano Ronaldo dreymir enn um að snúa aftur á Old Trafford segir spænski blaðamaðurinn Guillem Balague í nýútgefinni ævisögu um portúgalska fótboltasnillinginn.

Manchester United lét umboðsmann vita fyrir tveimur árum að liðið hefði bolmagn til að fjármagna endurkomu leikmannsins en þá var David Moyes að stýra liðinu.

Ronaldo fór frá Manchester United sumarið 2009 eftir að vinna Englandsmeistaratitilinn þriðja árið í röð. Hann var þá einnig búinn að vinna Meistaradeildina og skoraði 118 mörk í 292 leikjum.

Kafli úr ævisögu Ronaldo sem Balague skrifar er birtur á vefsíðu Sky Sports og þar segir:

Vildu fá hann 2013

„Cristiano Ronaldo dreymir enn um að snúa aftur til Manchester United. Enska liðið lét umboðsmann hans vita árið 2013 að það hefði fjármagn til að tryggja endurkomu hans.

Í raun og veru hefur allt verið klárt í þeim efnum frá því hann fór hefði farið svo að bæði félög vildu taka skrefið. David Moyes, sem var þá nýr stjóri United, hélt að hann gæti sannfært Ronaldo um að koma aftur það sumar.

Þetta voru skilaboðin frá United til Ronaldo. Það sem gerðist var svo að Ronaldo framlengdi samning sinn við Real Madrid og var gerður að launahæsta leikmanni heims í september 2013.

Sumarið 2014 sagði Ronaldo við leikmann Real Madrid sem var á leið frá félaginu að hann sæi sig sem leikmann United eftir tvö ár.“

Ef marka má þessi orð stefnir Ronaldo á að snúa aftur til Manchester United næsta sumar, en þetta er svo sem er ekki í fyrsta sinn sem Portúgalinn er orðaður við sitt gamla félag.