Ancelotti hefur ekkert á móti Chelsea

Knattspyrnuþjálfarinn Carlo Ancelotti er opinn fyrir því að snúa aftur til Chelsea ef það býðst, en hann telur að José Mourinho verði ekki rekinn þrátt fyrir að liðinu gangi illa þessar vikurnar.

Ítalinn segir í viðtali við Daily Mail enn fremur að hann hafi ekki verið í sambandi við Liverpool áður en Jürgen Klopp var ráðinn.

Ancelotti stýrði Chelsea til sigurs í deild og bikar leiktíðina 2009/2010 en var rekinn ári síðar eftir að hann endurtók ekki leikinn.

Chelsea er nú í 16. sæti úrvalsdeildarinnar og búið að tapa sjö af fyrstu tólf leikjum sínum. Þetta er versta byrjun liðsins í 37 ár.

„Það væri ekkert mál fyrir mig að fara aftur til Chelsea,“ segir Ítalinn sem síðast stýrði Real Madrid til sigurs í Meistaradeildinni.

„José verður samt ekki rekinn. Það er búið að ákveða að halda honum og ég tel að það var góð ákvörðun. Mourino er einn besti knattspyrnustjóri heims. Hann hefur sjálfstraust og er áhyggjulaus yfir þessu.“

Ítalanum langar að spreyta sig aftur á Englandi, en honum gekk vel í úrvalsdeildinni síðast.

„Ég elska fótboltann á Englandi og ég á enn hús í Lundúnum. Ég væri til í að vera með lið sem er samkeppnishæft í ensku úrvalsdeildinni sem og í Evrópu,“ segir Carlo Ancelotti.