Erlent

Kanadamenn gefa lyf gegn ebólu

Sunna Karen Sigurþórsdóttir skrifar
Miklar varúðarráðstafanir hafa verið gerðar.
Miklar varúðarráðstafanir hafa verið gerðar. vísir/afp
Stjórnvöld í Kanada munu gefa Alþjóðaheilbrigðisstofnuninni (WHO) lyf gegn ebólu. Bóluefnið er enn á tilraunastigi og hefur einungis verið prófað á dýrum. Það er af ansi skornum skammti, en líklega verða gefnir um 800-1000 skammtar. Þessi ákvörðun var tekin eftir að WHO tilkynnti að siðferðislega réttmætt væri að nota tilraunalyf á sjúklinga sem smitast hafa af veirunni. Vilja Kanadamenn með þessu leggja sitt af mörkum í baráttunni gegn þessum mannskæðasta sjúkdómi sögunnar.

Þegar hafa tveir Bandaríkjamenn og einn Spánverji fengið að njóta góðs af lyfjunum sem hugsanlega gætu hjálpað ebólusmituðum. Spánverjinn lést í gær en Bandaríkjamennirnir eru sagðir á batavegi. Afríkubúar hafa þó engin lyf fengið, þrátt fyrir að hátt í annað þúsund séu smitaðir í Vestur-Afríku.

Ebóluveiran hefur lagt 1.013 manns af velli á einungis nokkrum mánuðum, eða frá því í febrúar. Bróðurpartur þeirra sem látist hafa er í Gíneu , Líberíu og Sierra Leone. Þá hafa þrír látist í Nígeríu.




Tengdar fréttir

Hætta ferðamanna á smiti hverfandi

Ekkert lát er á sýkingahrinunni af völdum ebólaveiru sem hófst í Gíneu í byrjun febrúar á þessu ári, að því er fram kemur á vef Landlæknisembættisins.

Skorað á WHO að útvega Afríku ebólalyf

Sérfræðingar segja að til séu nokkur mismunandi lyf og bóluefni sem hægt væri að nota til þess að berjast gegn þessum illskeytta sjúkdómi.

Ebólasmitaður maður til Bandaríkjanna

Sjúkrahús í Atlanta í Bandaríkjunum býr sig nú undir að taka á móti bandarískum hjálparstarfsmanni sem smitaðist af hinnum banvæna ebóla-vírusi í Vestur-Afríku.

Bretar óttast ebólufaraldur

Ebólaveira er alvarleg ógn við Bretland að sögn Philip Hammond, utanríkisráðherra landsins.

Ebóla heldur áfram að breiðast út

Tveir hafa nú greinst á skömmum tíma með ebólu í Nígeríu, fjölmennasta ríki í Afríku. Annar þeirra lést í síðustu viku og er læknir hans nú sýktur af þessari mannskæðu veiru.

Meira en þúsund manns hafa látið lífið

Einungis tveir Bandaríkjamenn og einn Spánverji hafa til þessa fengið að njóta góðs af lyfjum. Afríkubúar hafa hins vegar enn engin lyf fengið.

Mest lesið


Fleiri fréttir

Sjá meira


×

Mest lesið