Heiðar í frægðarhöll Watford

Heiðar Helguson var í kvöld tekinn inn í frægðarhöll enska knattspyrnufélagsins Watford.

Heiðar skoraði 75 mörk í 228 leikjum með Watford á ferlinum en hann kom fyrst til félagsins árið 2000.

Graham Taylor keypti hann þá til félagsins en Taylor hefur sagt að þau kaup séu á meðal þeirra 4-5 bestu sem hann hafi gert á ferlinum.

Heiðar kom inn í ensku úrvalsdeildina af miklum krafti og skoraði strax í sínum fyrsta leik sem var gegn Liverpool.

Heiðar var seldur til Fulham árið 2005 en sneri svo aftur til Watford árið 2009, þá sem lánsmaður frá QPR. Hann lagði skóna á hilluna fyrir ári síðan en hann lék sitt síðasta tímabil með Cardiff í ensku B-deildinni.

Here he is, #watfordfc fans, Heidar Helguson collecting his Hall of Fame award at this evening's End of Season Dinner pic.twitter.com/MXCqEf8mCL

— Official #watfordfc (@watfordfcsays) May 4, 2014