Aron Einar sýndi flotta takta í fótboltakrikket | Myndband

Aron Einar Gunnarsson, landsliðsfyrirliði í fótbolta og leikmaður Cardiff í ensku B-deildinni, hafði betur í bráðabana gegn liðsfélaga sínum John Brayford í skemmtilegri blöndu af fótbolta og krikket sem Youtube-síða Cardiff setti upp.

Leikurinn er kallaður foocet, samblanda af ensku orðunum football og cricket, en báðir fengu að slá fótbolta með krikketkylfu að markinu.

Báðir leikmenn slógu fimm bolta og reyndu svo að verjast skotum hins. Svo fór að leikurinn endaði í bráðabana þar sem Aron Einar hafði betur með tveimur flottum markvörslum.

Þetta skemmtilega innslag má sjá hér að ofan.