Enski boltinn

Dzeko alvarlega meiddur

Dzeko í leiknum gegn QPR þar sem hann meiddist.
Dzeko í leiknum gegn QPR þar sem hann meiddist. vísir/getty
Bosníumaðurinn Edin Dzeko spilar ekki með Man. City næstu vikurnar.

Framherjinn stóri og stæðilegi meiddist aðeins fjórum mínútum eftir að hafa komið inn af bekknum í leik City og QPR um síðustu helgi.

„Þetta eru mjög alvarleg meiðsli og ljóst að hann snýr ekki aftur út á völlinn í bráð," sagði læknir bosníska landsliðsins en Dzeko missir af leik landsliðsins gegn Ísrael um næstu helgi.

Meiðslin er á kálfa og nú hefst endurhæfing hjá framherjanum.

Dzeko er búinn að skora fjögur mörk fyrir City í vetur en hefur ekki komið boltanum yfir línuna í síðustu átta leikjum.




Fleiri fréttir

Sjá meira


×