Rooney: Þetta var martröð

Wayne Rooney, framherji Manchester United, lýsti 0-3 tapinu á móti Liverpool á Old Trafford i gær, sem einni af verstu stundunum á ferlinum.

Steven Gerrard kom Liverpool í 2-0 með tveimur vítaspyrnum og Luis Suarez innsiglaði síðan sigurinn eftir að Nemanja Vidic var rekinn af velli.

„Þetta var martröð. Þetta er einn af verstu dögum mínum á fótboltaferlinum," sagði Wayne Rooney í viðtali á MUTV.

„Það er erfitt að sætta sig við þetta en ég verð samt að hrósa Liverpool-liðinu. Þeir spiluðu vel en það breytir því samt ekki að þetta er mjög svekkjandi úrslit," sagði Rooney.

„Það vill að sjálfsögðu enginn tapa hvað þá að tapa á þennan hátt á þínum eigin heimavelli. Þetta var ekki fallegt," sagði Rooney.

Það er hægt að sjá svipmyndir frá leiknum með því að smella á myndbandið hér fyrir ofan.