Rodgers hefur aldrei sofið betur

Liverpool getur lætt um níu puttum á enska meistaratitilinn á morgun ef liðinu tekst að leggja Chelsea á morgun. Liverpool er með fimm stiga forskot á Chelsea og getur því gert út um meistaravonir Jose Mourinho og lærisveina hans í leiknum.

Mourinho hóf sálfræðistríðið fyrir leikinn í vikunni er hann sagðist vilja hvíla alla byrjunarliðsmenn sína. „Bíðið fram að leik. Þá fáið þið að vita liðið hjá mér,“ sagði Mourinho í gær.

Brendan Rodgers, stjóri Liverpool, er pollrólegur.

„Ég hef aldrei sofið betur. Sama hvað gerist þá getum við verið ánægðir með frábært tímabil. Fólk talar um pressu en það er engin pressa á okkur,“ sagði Rodgers.

Leikurinn hefst klukkan 13.05 á morgun.