Adebayor: Vissum að við hefðum gæðin til að vinna

„Sendingin var frábær, snertingin var ekki slæm og ég átti bara um eitt að velja, klára með vinstri fæti,“ sagði Emmanuel Adebayor um sigurmarkið sem tryggði Tottenham 1-0 sigur á Everton í ensku úrvalsdeildinni í fótbolta í dag.

„Ég er ánægður með að liðið vann og að skora sigurmarkið er gott fyrir sjálfstraustið. Við héldum ró okkar í leiknum. Við vissum að við hefðum gæðin til að vinna leikinn og við gerðum það.

„Við viljum vinna leiki 3-0 en stuðningsmennirnir verða að vera rólegir. Þetta fellur ekki fullkomlega fyrir okkur í augnablikinu,“ sagði Adebayor.