Eigandi Manchester United látinn

Malcolm Glazer, eigandi enska úrvalsdeildarliðsins Manchester United, er látinn 85 ára að aldri. Hann féll frá fyrr í dag.

Það er heimasíða NFL-liðsins Tampa Bay Buccaneers sem greinir frá andláti Glazers en hann hefur átt það lið síðan 1995.

Glazer eignaðist fyrst hluta í Manchester United árið 2003 en var svo kominn í meirihluta tveimur árum síðar. Synir hans, Joel og AvramGlazer, eru stjórnarformenn félagsins.

Undir eignarhaldi Glazers vann Tampa Bay Ofurskálina árið 2002 og flestir þekkja velgengni Manchester United eftir að hann eignaðist félagið. Eignarhald hans á Manchester United hefur þó verið vægast sagt umdeilt.

Malcolm Glazer skilur eftir sig eiginkonuna Lindu, sex börn og 14 barnabörn.

We are saddened to announce the passing of Owner/President Malcolm Glazer at the age of 85: http://t.co/hhSLb3Ld42 pic.twitter.com/n17v2P2SvP

— Tampa Bay Buccaneers (@TBBuccaneers) May 28, 2014