Þrír féllu í skotárás í Kansas

Þrír létust og tveir særðust alvarlega í skotárásum í Kansasborg í Bandaríkjunum í gær. Talsmaður lögreglunnar segir sama einstaklinginn hafa skotið að fólki þrisvar sinnum, á þremur mismunandi stöðum, í íbúðarhverfi í borginni.

Lögreglan náði ekki að hafa hendur í hári árásarmannsins í gær, en AP fréttaveitan segir að bíll hans hafi fundist í nokkurra kílómetra fjarlægð.

Þá hefur lögreglan ekki fundið ástæðu fyrir skotárásunum en íbúðarhverfinun var lokað í nokkra klukkutíma á meðan lögreglan leitaði vísbendinga og ræddi við íbúa. Tvær konur og einn maður létust í árásunum.