Mourinho: Stuðningurinn við Chelsea að versna

Jose Mourinho, stjóri Chelsea, stendur við þá skoðun sína að stemningin á heimaleikjum liðsins sé verri en hjá öðrum í ensku úrvalsdeildinni.

Chelsea vann QPR á laugardaginn, 2-1, og sagði að upplifunin hafi verið eins og að spila á tómum velli.

Félag stuðningsmanna Chelsea segir að hátt miðaverð eigi sök að málinu en Mourinho var ekki reiðubúinn að draga í land með gagnrýni sína.

„Miðað við hvernig þetta var þegar ég var hér áður þá er ástandið að versna,“ sagði Mourinho. „Ég efast ekki um ástríðuna og kærleikann og mér mun ávallt þykja vænt um stuðningsmennina. En ég veit að það vantar upp á stemningnuna.“