Jóhann Berg hetja Charlton í kvöld

Jóhann Berg Guðmundsson fór á kostum með Charlton í kvöld og skoraði bæði mörk liðsins í 2-2 jafntefli gegn Leeds.

Leeds komst tvisvar yfir en alltaf jafnaði Jóhann. Síðara markið níu mínútum fyrir leikslok úr víti. Charlton í 9. sæti deildarinnar en Leeds er í 17. sæti.

Aron Einar Gunnarsson lék allan leikinn fyrir Cardiff sem steinlá, 3-0, gegn Bolton. Mikilvægur sigur fyrir Bolton sem er í fallsæti en Cardiff um miðja deild.

Kári Árnason lék í 76 mínútur fyrir Rotherham sem tapaði 3-0 á útivelli gegn Reading. Hann fékk líka gult spjald í leiknum.

Rotherham er í 18. sæti ensku B-deildarinnar.