„Mamma segir að ég sé auli og pabbi er ekkert sérstaklega stoltur heldur“

„Ég myndi ekki gera þetta aftur... Nú er ég búinn að prófa þetta svo ég þarf ekki að endurtaka leikinn. Þetta var að sjálfsögðu heimskulegt; mamma segir að ég sé auli og pabbi er ekkert sérstaklega stoltur heldur.“

Þetta segir Harrison Williams, íbúi í Quinns Rock í Ástralíu, sem stökk út í sjó úr bát vinar síns og klifraði upp á dauðan hval sem rak á sjónum.

Nokkrir hákarlar voru í kringum hvalinn þar sem þeir átu af hræinu og var maðurinn því í nokkuð mikilli hættu út í sjónum.

Williams segist sjá mjög eftir atvikinu en myndband af því má sjá hér að neðan.