Nýr leikmaður Tottenham kominn með atvinnuleyfi

DeAndre Yedlin, bandarískur landsliðsmaður í knattspyrnu, getur byrjað að spila með Tottenham á nýju ári eftir að fá loks atvinnuleyfi á Englandi.

Tottenham tilkynnti í ágúst að Yedlin, sem spilar með Seattle Sounders í MLS-deildinni, væri búinn að samþykkja fjögurra ára samning, en Tottenham borgar Seattle 2,5 milljónir punda fyrir leikmanninn.

Þessi 21 árs gamli varnarmaður reyndi að sækja um lettneskt vegabréf þar sem hann á ættir að rekja til landsins, að því fram kemur á vef Sky Sports. Það gerði hann í von um að fá atvinnuleyfi fyrr á Englandi.

Hann þarf þó ekki á því að halda þar sem hann er kominn með atvinnuleyfi, en hann er nú í vetrarfríi eftir að MLS-deildinni lauk fyrr í mánuðinum.

Yedlin stóð sig vel með bandaríska landsliðinu á HM

og heillaði Mauricio Pochettino, stjóra Tottenham, mikið þegar Seattle mætti Spurs í æfingaleik í júlí.