Markalaust á White Hart Lane

Tottenham og Manchester United skildu jöfn 0-0 á White Hart Lane í Lundúnum í hádegisleik dagsins í ensku úrvalsdeildinni í fótbolta.

Þrátt fyrir markaleysið vantaði ekki færin í leikinn sem var hraður og skemmtilegur á að horfa.

Manchester United fékk bestu færi fyrri hálfleiks en Tottenham var sterkari aðilinn í seinni hálfleik en inn vildi boltinn ekki.

Manchester United er í þriðja sæti deildarinnar með 36 stig og verður liðið þar þegar deildin er hálfnuð. Tottenham er í sjötta sæti með 31 stig en liðið gæti fallið niður í áttunda sæti þegar umferðin klárast á morgun.