Fótbolti

Klose hættur með landsliðinu

Ingvi Þór Sæmundsson skrifar
Klose lyftir HM-styttunni.
Klose lyftir HM-styttunni. Vísir/Getty
Miroslav Klose hefur lagt landsliðsskóna á hilluna.

Það er óhætt að segja að Klose hætti á toppnum, en hann varð heimsmeistari með Þjóðverjum í sumar. Klose skoraði tvö mörk á HM 2014 og sló þar með markamet hins brasilíska Ronaldo.

Klose, sem hefði einnig getað leikið fyrir Pólland, lék sinn fyrsta landsleik þegar hann kom inn á sem varamaður gegn Albaníu 24. mars 2001. Það tók Klose aðeins tvær mínútur að skora sitt fyrsta landsliðsmark.

Alls urðu landsliðsmörkin 71 í 137 landsleikjum, en Klose er markahæsti leikmaður í sögu þýska landsliðsins og sá næstleikjahæsti.

Klose tók þátt á fjórum heimsmeistaramótum; hann vann til silfurverðlauna 2002, bronsverðlauna 2006 og 2010 og loks gullverðlauna 2014, eins og áður sagði. Hann skoraði 16 mörk í 24 leikjum á HM, en Klose er eini leikmaðurinn sem hefur skorað a.m.k. fjögur mörk á þremur heimsmeistaramótum.

Klose, sem leikur með Lazio á Ítalíu, tók einnig þátt á þremur Evrópumótum, 2004, 2008 og 2012. Hann vann til silfurverðlauna á EM 2008.

Þýska landsliðið tapaði aldrei leik sem Klose skoraði í.

Enski boltinn

Tengdar fréttir

Slær Klose markametið og vinnur HM-titil?

Þjóðverjann Miroslav Klose vantar eitt mark til að jafna markamet Ronaldos en Þjóðverja dreymir einnig um sinn fyrsta heimsmeistaratitil í 24 ár.

Klose sló met Ronaldo

Miroslav Klose er nú orðinn markahæsti leikmaður í sögu úrslitakeppni HM.

Leggið álög á Klose

Brasilíska goðsögnin Ronaldo vonast til þess að Miroslav Klose nái ekki að bæta met sitt á Heimsmeistaramótinu sem fer fram í Brasilíu í sumar.

Úrvalslið Þýskalands á HM

Í tilefni af úrslitaleik Argentínu og Þýskalands í kvöld setti Vísir saman úrvalslið beggja þjóða á HM í gegnum tíðina.

HM-Messan heiðraði Klose

HM-Messan skoðaði öll 15 mörk Miroslav Klose á lokakeppnum HM í tilefni þess að hann jafnaði markamet Ronaldo um helgina.

Mest lesið


Fleiri fréttir

Sjá meira


×

Mest lesið