Erfitt að ráða niðurlögum eldanna

Skógareldar í Kaliforníuríki í Bandaríkjunum sem erfitt hefur reynst að slökkva hafa þvingað hundruð íbúa til þess að yfirgefa heimili sín. Eldarnir kviknuðu síðdegis á sunnudaginn og hafa þegar eyðilagt 21 byggingu.

Einn eldanna kviknaði við Yosemite-þjóðgarðinn og nær nú yfir 320 ekrur. Annar eldur sem er norðar í ríkinu við Sacramento hefur orðið til þess að 133 heimili standa nú auð. Sá brennur nú á 3.900 ekrum.

Sex slökkviliðsmenn hafa meiðst lítillega við að reyna að ráða niðurlögum eldsins, flestir í tengslum við örmögnun vegna ofhitnunar.