Rio: Hefði getað farið til Real eða Barcelona

Enski varnarmaðurinn Rio Ferdinand sem lék lengst af með Manchester United í ensku úrvalsdeildinni í fótbolta segist getað hafa farið til spænsku stórliðanna Real Madrid eða Barcelona þegar hann var upp á sitt besta.

Miðvörðurinn yfirgaf Manchester United í sumar og gekk til liðs við nýliða QPR í ensku úrvalsdeildinni. Hann lék í meira en áratug með Manchester United.

„Ég talaði við Roma og það var áhugi frá Real Madrid og Barcelona á einum tímapunkti,“ sagði Rio við The Express.

„Þegar það var áhugi frá öðrum félögum var ég hjá Manchester United að vinna titla. Þess vegna leit ég aldrei við því sem aðrir buðu.

„Þú getur sagt við einhvern hjá Manchester United eða liði sem er vinnur titla að þeir geti farið erlendis en það væri ekki auðvelt að fá þá til að fara.

„Ef Gareth Bale hefði verið að vinna titla hjá Manchester United þá hefði hann ekki farið til Real Madrid. Þetta snýst allt um að vinna titla. Ég hafði engan áhuga á að fara annað,“ sagði Rio.