Wenger: Henry snýr aftur til Arsenal

Arsene Wenger, stjóri Arsenal, segist reikna með því að Thierry Henry muni einn daginn snúa aftur til Arsenal.

„Mér skilst að hann ætli að taka sér tíma til að íhuga sín mál,“ sagði Wenger á blaðamannafundi í dag en Henry lék um helgina sinn síðasta leik fyrir MLS-liðið New York Red Bull.

Henry er 37 ára gamall og óvíst hvort að hann ætli að halda áfram að spila. En ljóst er að hann mun ekki spila áfram í New York. Sjálfur hefur hann sagt að hann vilji einn daginn snúa aftur til Arsenal.

„Sannarlega mun hann koma aftur hingað. En ég veit ekki í hvaða hlutverki,“ bætti Wenger við.

Wenger on @ThierryHenry: "Certainly one day he will come back here. In what capacity, I don't know" #AFCvSFC pic.twitter.com/d7vW6MIMKM

— Arsenal FC (@Arsenal) December 2, 2014