Agüero straujaður niður í teignum en fær gult spjald | Myndband

Sergio Agüero, framherji Manchester City, hefði átt að fá vítaspyrnu á níundu mínútu leik Southampton og Manchester City í ensku úrvalsdeildinni í dag, en fékk í staðinn gult spjald fyrir dýfu.

Mike Jones, dómari leiksins, gat ekki verið í betri aðstöðu til að sjá þegar Agüero var gjörsamlega straujaður niður af Jose Fonté í teignum, en í staðinn fyrir að dæma vítaspyrnu fékk Argentínumaðurinn gult.

Þetta er fyrsta gula spjaldið sem Agüero fær fyrir leikaraskap í ensku úrvalsdeildinni og hefði það augljóslega ekki átt að koma í dag. Það er nokkuð ljóst að Mike Jones fær frí til að versla jólagjafirnar um næstu helgi.

Þessa „dýfu“ má sjá í spilaranum hér að ofan.

Appalling decision. Blatant penalty against Aguero. Know your players ref.

— Gary Lineker (@GaryLineker) November 30, 2014

Leikbrot verða ekkert mikið augljósari ... Mike Jones að sýna gæði ... Hann kann ekki og skilur ekki þennan leik. Því miður ! #Enski365

— Jóhannes Valgeirsson (@JohannesValg) November 30, 2014

Var dómaranum alvara með þessa ákvörðun???

— Gunnleifsson (@GulliGull1) November 30, 2014