Raf­magnið af í Mosó og seinni hálf­leikur spilaður síðar

Afturelding, sem fyrir leik tilkynnti um nýjan samning við fyrirliðann Árna Braga Eyjólfsson til ársins 2028, hafði byrjað leikinn af miklum krafti og komist í 8-2.

Staðan var orðin 17-12 í hálfleik en þá fór rafmagnið af í Mosfellsbæ og víðar.

Þess var beðið í nokkra stund að rafmagn kæmist á að nýju en þegar það gekk ekki eftir varð að fresta leik.

Samkvæmt upplýsingum Vísis er það í höndum mótanefndar HSÍ að ákveða næstu skref. En þar sem að fyrri hálfleik var lokið, og þar sem að rafmagnsleysið flokkast sem óviðráðanlegar aðstæður, má ætla að hálfleiksstaðan standi, 17-12, og að liðin spili seinni hálfleikinn líklega annað hvort á morgun eða á sunnudag.