Brown: Anderson er heimskasti leikmaður sem ég hef spilað með

Brasilíumaðurinn Anderson er væntanlega á förum frá Man. Utd í janúar eftir frekar dapran feril hjá félaginu.

Hann hefur oft verið gagnrýndur fyrir að vera of feitur og svo hefur hann víst ekki einu sinni nennt að læra ensku. Eða kannski getur hann það ekki ef eitthvað er að marka orð Wes Brown.

„Anderson er heimskasti leikmaður sem ég hef spilað með. Ég var með honum í fjögur ár og mér skilst að hann sé ekki enn búinn að læra ensku," sagði Brown.

Anderson hefur haft sjö ár til þess að læra tungumálið en ekki haft það af enn.