Van Gaal ekki öfundsjúkur út í City

Louis van Gaal, stjóri Manchester United, er ekki öfundsjúkur út í leikmannahóp nágrannana í Manchester City, en liðin mætast í nágrannaslag á sunnudag.

„Ég er ekki öfundsjúkur út í hópinn hjá Manchester City. Ég er stoltur af mínum leikmönnum og það er það mikilvægasta. Þegar við spilum eins og lið eigum við mikla möguleika á að vinna," sagði van Gaal á blaðamannafundi.

United hefur gert jafntefli í síðustu tveimur leikjum; gegn WBA og toppliði Chelsea. Liðið situr í áttunda sæti deildarinnar, en van Gaal er ánægður með andann í hópnum.

„Við spiluðu mjög vel gegn West Brom og einnig gegn Chelsea. Enginn bjóst við að við myndum ná jafntefli þar, en fyrir mig var stig ekki nóg."

„Við höfum góða tilfinningu til þessa leiks. Andinn í okkar hóp er lygilegur. Við þurfum góð úrslit og þau gætu komið gegn City," sagði Hollendingurinn að lokum.