Fellaini hrækti á Aguero í gær | Sjáið myndbandið

Marouane Fellaini, leikmaður Manchester United, er kominn í vandræði eftir að myndir Daily Mail frá leik United og Manchester City í gær sýna leikmanninn greinilega hrækja á Sergio Aguero hjá Manchester City.

Atvikið gerðist í lok fyrri hálfleiks eftir að Sergio Aguero féll í teignum eftir viðskipti sín við Marouane Fellaini. Belginn var allt annað en sáttur með "leikaraskapinn" hjá argentínska framherjanum.

Marouane Fellaini hallaði sér í framhaldinu yfir Sergio Aguero og lét sér ekki bara að nægja að hrauna yfir Aguero því myndir í frétt Daily Mail sýna hann greinilega hrækja á Aguero.

Sergio Aguero réði á endanum úrslitum í leiknum en hann skoraði sigurmark Manchester City í seinni hálfleiknum.

Manchester City vildi fá nokkrar vítaspyrnur í leiknum í gær en á myndbandinu hér fyrir neðan má sjá þessi atvik. Fyrsta atvikið í myndbandinu er þetta atvik sem endaði með þessum óskiljanlegu viðbrögðum Marouane Fellaini.

Sjáið Fellaini hrækja á Aguero.