Scholes er ekki ánægður með Van Gaal

Paul Scholes, goðsögn hjá Manchester United, er ekki sáttur með nýja knattspyrnustjórann Louis van Gaals og hefur tjáð óánægju sína opinberlega.

Manchester United hefur aðeins náð í þrettán stig út úr fyrstu tíu deildarleikjunum undir stjórn Louis van Gaal og er þegar komið þrettán stigum á eftir toppliði Chelsea.

Paul Scholes spilaði allan feril sinn í búningi Manchester United en spilaði sinn síðasta leik í maí 2013 og endaði ferilinn sem enskur meistari í ellefta sinn.

„Ég hafði vonast til þess að United væri með fleiri stig á þessum tímapunkti. Liðið var komið með 17 stig undir stjórn David Moyes á sama tíma í fyrra. Hann hefur eytt 150 milljónum punda í leikmenn og er samt bara með þrettán stig  eftir tíu leiki," skrifaði Paul Scholes í pistil sínum í The Independent.

„Ég hef áhyggjur af því að stuðningsmenn félagsins voru fegnir að ná í jafntefli á móti Chelsea og sleppa með naumt tap á móti Manchester City. Úrslitin í leiknum á móti City voru kannski betri í ár en í fyrra en frammistaðan fyrsta klukkutímann var virkilega léleg," skrifaði Scholes.

„Þetta er ekki Manchester United. Það er bara ekki nógu að spila vel í 20 mínútur," bætti Scholes við.

„Það er erfitt að sjá hvað Van Gaal er að hugsa í leikjunum en hann virkar svolítið daufur," skrifar Scholes en til varnar hollenska stjóranum þá bendir hann á að það gat enginn séð fyrir öll þessi meiðsli í varnarlínunni. „Það þarf stöðuleika í miðju varnarinnar," skrifar Scholes í pistli sínum.