Gylfi missir af leiknum gegn Liverpool

Gylfi Þór Sigurðsson er ekki í leikmannahópi Swansea sem mætir Liverpool í 16-liða úrslitum ensku deildabikarkeppninnar á Anfield í kvöld.

Gylfi átti stóran þátt í báðum mörkum Swansea gegn Leicester í 2-0 sigri liðsins í ensku úrvalsdeildinni um helgina en fór af velli vegna meiðsla í nára.

Ekki er talið að meiðslin séu alvarleg og líklegt að hann verði klár í slaginn þegar Swansea mætir Everton um næstu helgi.

Steven Gerrard og Raheem Sterling eru báðir hvíldir í liði Liverpool í kvöld og þá eru þeir Simon Mignolet og Mario Balotelli báðir á bekknum. Leikurinn hefst klukkan 20.00 og er í beinni útsendingu á Stöð 2 Sport.

Byrjunarliðin:

Liverpool: Jones, Manquillo, Lovren, Toure, Johnson, Lucas, Henderson, Coutinho, Markovic, Lambert, Borini.

Swansea: Tremmel, Rangel, Fernandez, Williams, Taylor, Fulton, Shelvey, Emnes, Dyer, Montero, Gomis.