Gæsahúðar myndband frá Garðbæingum | Þrír dagar í úrslitaleikinn

Tómas Þór Þórðarsson skrifar 1. október 2014 11:41

Stjörnumenn hafa ferðast mikið með liðinu í sumar. mynd/skjáskot

Það eru aðeins þrír dagar í stórleikinn í Krikanum þar sem FH og Stjarnan berjast um Íslandsmeistaratitil karla í knattspyrnu í hreinum úrslitaleik.

Búist er við fjölmenni á völlinn og magnaðri stemningu og eru stuðningsmenn liðanna byrjaðir að hita upp fyrir veisluna.

Silfurskeiðin, stuðningsmannasveit Stjörnunnar, birtir í dag myndband á Youtube-síðu sinni sem ætti að koma öllum Garðbæingum í stuð fyrir leikinn.

Þar syngja þeir eitt sitt frægasta lag á fjölmörgum stöðum, en Silfurskeiðin hefur ferðast allt frá Akureyri til Mílanó í sumar.

Í myndbandinu má meðal annars sjá fjármálaráðherrann BjarnaBenediktsson taka þátt í fjörinu í flugvél á leið til Mílanó. Sjón er einfaldlega sögu ríkari.

Textinn: Frá Stjörnunni - ég aldrei vík - sú tilfinning - er engu lík.

Pepsi Max-deild karla

Tengdar fréttir

Bödker: Scholz var sá besti

Hendryk Bödker, aðstoðarþjálfari Stjörnunnar, er maðurinn á bak við þá sterku tengingu sem liðið hefur átt við danska knattspyrnumenn undanfarin ár.

30. september 2014 20:02

Getum tekið við minnst sex þúsund manns

Úrslitaleikur FH og Stjörnunnar verður líklega afar vel sóttur.

29. september 2014 23:36

Atli fyrstur til að fá tíu í einkunn | Myndband

Reynir Leósson útskýrir hvað gerir Atla Guðnason svona góðan og fer yfir fullkomna frammistöðu hans í sigrinum á FH.

30. september 2014 11:00

Gunnlaugur: Stjarnan þarf að stöðva Atla Guðnason

Gunnlaugur Jónsson segir að reynslan og hefðin verði með FH í liði gegn Stjörnunni í úrslitaleiknum um Íslandsmeistaratitilinn á laugardaginn.

1. október 2014 07:00

Leiktímum breytt í lokaumferðinni - mögnuð ellefu tíma dagskrá á Stöð 2 Sport

Tveir leikir í beinni útsendingu og Pepsi-mörkinni í opinni dagskrá.

29. september 2014 14:07

Ekki hægt að kaupa miða á úrslitaleikinn á leikdegi

FH og Stjarnan mætast á laugardaginn í hreinum úrslitaleik um Íslandsmeistaratitil karla í fótbolta en leikurinn fer fram klukkan 16.00 á Kaplakrikavelli í Hafnarfirði. FH-ingar eru búnir að skipta upp stúkunum og fyrirkomulag við sölu miða á leikinn verður með sérstökum hætti. Almenn forsala hefst í Kaplakrika á fimmtudagsmorgun.

30. september 2014 08:00