Úkraínuher krefst uppgjafar aðskilnaðarsinna í Donetsk

Miklir bardagar geysa nú í borginni Donetsk í austurhluta Úkraínu. Þrátt fyrir að aðskilnaðarsinnar hafi beðið um tímabundið vopnahlé til að koma í veg fyrir mannfall óbreyttra borgara. Þess í stað hafa yfirmenn hersins sagt uppreisnarsinnum að gefast upp tafarlaust.

Einn borgari lést og tíu særðust í stórskotaárásum á borgina í morgun samkvæmt embættismönnum í borginni.

Talsmaður varnamálaráðuneytis Úkraínu sagði á blaðamannafundi í morgun að aðskilnaðarsinnar í borginni gætu einungis bjargað lífum sínum með því að gefast upp. Hingað til hefðu aðskilnaðarsinnar aldrei verið tilbúnir til nokkurs konar samstarfs.

„Ef hvítir fánar fara í loftið og þeir leggja niður vopn sín, mun enginn skjóta þá. Við höfum þó ekki séð þá taka nein skref í rétta átt. Bara eina yfirlýsingu,“ sagðiAndriy Lysenko.

Donetsk er helsta vígi aðskilnaðarsinna í Austur-Úkraínu, en aðstæður í borginni hafa versnað mjög síðustu misseri. Fjöldinn allur af íbúðarhúsum, sjúkrahús og verslanir skemmdust í árásum í nótt. Allt að tvö þúsund heimili hafa orðið fyrir skemmdum.

Meira en þrjú hundruð þúsund íbúar borgarinnar, af milljón, hafa flúið.