Newcastle fær framherja

Newcastle United hefur fengið Facundo Ferreyra, argentínskan framherja, á árs löngum lánssamningi frá Úkraínumeisturum Shakhtar Donetsk. Newcastle á síðan forkaupsrétt á honum eftir tímabilið.

Ferreyra lék með Shakhtar á síðustu leiktíð og skoraði þá sex mörk í 13 deildarleikjum.

Ferreyra, sem sló í gegn með Vélez Sársfield í heimalandinu tímabilið 2012-13, sagði að landi sinn og vinur, Fabricio Coloccini, hefði átt stóran þátt í því að hann ákvað að ganga til liðs við Newcastle, en Coloccini er fyrirliði liðsins.

Ferreyra er sjöundi leikmaðurinn sem Alan Pardew fær til Newcastle í sumar.