Adebayor með malaríu

Emmanuel Adebayor, leikmaður Tottenham Hotspur, greindist með malaríu þegar hann sneri aftur úr sumarfríi á dögunum og missir hann fyrir vikið af æfingarferð Tottenham til Bandaríkjanna.

Hinn 30 árs gamli Adebayor varð veikur á laugardag og var greindur með væga malaríu. Adebayor greindist snemma eftir að hafa orðið veikur og hefur hann brugðist vel við meðferð lækna.

Búist er við því að Adebayor verði útskrifaður af sjúkrahúsinu í dag en honum verður hinsvegar ráðlagt að halda sér heima. Missir hann því af æfingarferð Tottenham til Bandaríkjanna og tækifæri til þess að sýna sig og sanna fyrir framan Mauricio Pochettino, nýja knattspyrnustjóra Tottenham.