Netanyahu hótar hefndaraðgerðum

Benjamin Netanyahu, leiðtogi Ísraelsmanna, hefur strengt þess heit að finna þá sem stóðu á bak við mannrán og svo morð á þremur táningum sem voru á puttaferðalagi á hinum hernumda Vesturbakkanum.

Netanyahu hefur heitið hefndaraðgerðum gegn Hamas, palestínskum hernaðarsamtökum, sem Ísraelsmenn vilja kenna um morðin. Hamas hefur hins vegar neitað því að hafa nokkuð með morðin á unglingunum að gera. Þúsundir manna mættu þegar ungmennin voru jarðsett í gær.

Mikil reiði er í Ísrael vegna málsins, en lík ungmennanna fundust í við bæinn Halhul og höfðu þau verið urðuð í skurði. Um er að ræða tvö ungmenni, sem voru sextán ára og svo sá þriðji sem var nítján ára gamall. Hafa rúmlega fjögur hundruð manns verið handtekin og yfirheyrð, þeirra á meðal nokkrir Hamas-liðar.