Hótað lífláti fyrir tæklingu sína á Suarez

Stuðningsmenn fótboltalandsliðs Úrúgvæ kenna Newcastle-manninum Paul Dummett um hnémeiðsli Luis Suarez en framherji Liverpool þurfti að gangast undir aðgerð í gær.

Luis Suarez missir því að lokaundirbúningi Úrúgvæmanna fyrir HM í Brasilíu en markakóngur ensku úrvalsdeildarinnar og er í kapphlaupi að ná fyrsta leik liðsins á HM sem verður á móti Kosta Ríka 14. júní næstkomandi.

Paul Dummett tæklaði Suarez í lokaumferð ensku úrvalsdeildarinnar og fékk rauða spjaldið að launum. Stuðningsmenn Úrúgvæ hafa nú kennt honum um þessi meiðsli stjörnuleikmanns landsliðsins og hafa sumir hótað honum lífláti í gegnum netið.

Luis Suarez kvartaði undan miklum verk á fyrstu æfingu með Úrúgvæ og var sendur í umrædda aðgerð eftir nánari skoðun.

Það var mikið fjölmiðlafár fyrir utan sjúkrahúsið í gær þegar Luis Suarez var keyrður út í hjólastól eftir að hafa gengist undir umrædda aðgerð.