PSG býður 50 milljónir punda í Luiz

Brasilíumaðurinn David Luiz, leikmaður Chelsea, er eftirsóttur maður og franska liðið PSG er til í að greiða háa upphæð fyrir hann.

Samkvæmt heimildum Sky er PSG búið að bjóða 50 milljónir punda í leikmanninn.

Hann hefur átt erfitt með að tryggja sér sæti í byrjunarliði Chelsea þar sem John Terry og Gary Cahill eru aðalmiðvarðarpar Mourinho, stjóra Chelsea.

Luiz kom til félagsins frá Benfica árið 2011 og kostaði þá rúmar 23 milljónir punda.

Chelsea myndi örugglega taka þessu tilboði og nýta peningana upp í kaupin á Diego Costa sem sagður er vera efstur á óskalista félagsins.