Austin kom QPR á Wembley

Charlie Austin var hetja QPR sem vann Wigan, 2-1, í umspilskeppni ensku B-deildarinnar.

Þetta var síðari viðureign liðanna í undanúrslitum umspilskeppninnar og en þeirri fyrri lauk með markalausu jafntefli.

James Perch kom Wigan yfir eftir níu mínútna leik en Austin jafnaði metin úr vítaspyrnu þegar rúmur stundarfjórðungur var til leiksloka. Austin skoraði svo sigurmark leiksins á sjöttu mínútu framlengingarinnar.

Þar við sat og því mætir QPR liði Derby í úrslitaleiknum sem fer fram á Wembley-leikvanginum þann 24. maí. Derby hafði betur gegn Brighton í sinni undanúrslitarimmu.