Terry framlengdi samninginn sinn um eitt ár

John Terry, fyrirliði Chelsea, er búinn að skrifa undir nýjan eins árs samning við félagið eða út næsta tímabil en þetta kemur fram á BBC.

Terry er orðinn 33 ára gamall en hann kom til Chelsea árið 1995 og spilaði sinn fyrsta leik fyrir aðalliðið þremur árum síðar. Samningurinn hann átti að renna út í sumar.

John Terry hefur spilað yfir 600 leiki fyrir Chelsea og tekið þátt í því að vinna þrjá Englandsmeistaratitla, fimm bikarmeistaratitla og tvo deildarmeistaratitla auk þess að vinna Meistaradeildina með Chelsea árið 2012.

Terry hætti að spila fyrir enska landsliðið árið 2012 en hann á að bak 78 landsleiki fyrir England. Hann átti gott tímabil með Chelsea og margir stuðningsmenn enska landsliðsins vildu örugglega sjá hann í ensku vörninni á HM í Brasilíu í sumar.