Messan: Til heiðurs meisturum Manchester City

Messan fór yfir tímabilið í ensku úrvalsdeildinni í lokamessunni í gær og að sjálfsögðu var boðið upp á myndband til heiðurs Englandsmeisturum Manchester City.

Manchester City liðið tryggði sér titilinn með því að vinna fimm síðustu leikina sína með markatölunni 14-3 en liðið vann West Ham 2-0 í lokaumferðinni.

Manchester City fékk tveimur stigum meira en Liverpool og ekkert félag skoraði fleiri mörk í ensku úrvalsdeildinni á tímabilinu.

Þetta er annar meistaratitill Manchester City á síðustu þremur tímabilum en sá fyrsti undir stjórn Manuel Pellegrini.

Myndbandið til heiðurs nýkrýndum Englandsmeisturum Manchester City má sjá með því að smella hér fyrir ofan.