Keane: Smalling og Jones hefur farið aftur

Roy Keane, aðstoðarlandsliðsþjálfari Írlands, leiðist ekki að ræða málefni Manchester United en þessi fyrrverandi fyrirliði liðsins til átta ára gefur lítið fyrir frammistöðu þriggja leikmanna United á tímabilinu.

Keane ræddi við fréttamenn um landsliðshóp Englands á HM en í honum eru varnarmennirnir ungu ChrisSmalling og PhilJones sem Írinn er ekki hrifinn af.

„Okkur var sagt fyrir tveimur til þremur árum að Jones væri hinn nýi DuncanEdwards. Smalling átti að vera eitthvað líka. Ég sá United níu eða tíu sinnum spila í vetur og þeir eru langt frá því að vera jafngóðir og talið var að þeir yrðu,“ segir Keane.

„Ef eitthvað er þá hefur þeim farið aftur. Það er sagt að það eigi að gefa leikmönnum tækifæri til að þroskast en stundum er maður með leikmenn sem nýta einfaldlega ekki tækifærin sín.“

„Þeir þurfa að gera mun betur ef þeir vilja halda sætum sínum hjá United og ef liðið á að vinna titla. Jones þarf líka að herðast. Alltaf þegar ég sé hann er verið að bera hann af velli. Hann verður að vera harðari - hann er að spila fyrir United,“ segir Keane.

Keane skilur það einnig fullvel að MichaelCarrick sé ekki í 23 manna landsliðshópi Englands sem fer á HM í Brasilíu í sumar en hann hefur oft staðið sig betur en á nýliðinni leiktíð.

„Það getur varla hafa komið ykkur á óvart að hann var skilinn eftir. Það er ekki hægt að horfa á hvað menn gerðu fyrir tveimur árum. Ef menn eru ekki að standa sig eða aðrir sem spila sömu stöðu að standa sig betur þá verður það bara að vera þannig. Þú verður skilinn eftir heima,“ segir Roy Keane.