Brendan Rodgers: Suarez gerir mig að betri stjóra

Brendan Rodgers, knattspyrnustjóri Liverpool, þakkar Luis Suarez fyrir að gera sig að betri stjóra en Rodgers hrósaði framherja sínum þegar Suarez fékk verðlaunin sem leikmaður ársins í ensku úrvalsdeildinni að mati blaðamanna.

„Ég held að allir viti hvaða erfiðlega hann gekk í gegnum á síðasta ári. Þetta hefur verið mjög erfitt fyrir hann," sagði Brendan Rodgers en Luis Suarez var dæmdur í tíu leikja bann fyrir að bíta Chelsea-manninn Branislav Ivanovic.

„Fólk fær hinsvegar alltaf uppreisn æru í þessu landi ef það vill bæta sig og gera betur. Luis er vissulega maður sem var lágt niðri í lok síðasta tímabils," sagði Rodgers og bætti við:

„Ég þekki það betur en allir. Styrkur Liverpool og krafturinn í félaginu sannfærði hann um að vera áfram eftir afar erfitt sumar. Um leið og tímabilið fór í gang og hann fór að einbeita sér að fótboltanum þá hefur Luis Suarez verið ótrúlegur," sagði Rodgers. Suarez varð markakóngur ensku úrvalsdeildarinnar með 31 mark.

„Þegar ég tók við Liverpool-liðinu þá sögðu bæði Jamie Carragher og Steven Gerrard við mig að hann væri besti leikmaður sem þeir hefðu spilað með og þeir hafa nú spilað með mörgum frábærum," sagði Rodgers.

„Hann hefur boðið mér birginn á hverjum degi. Hann er sigurvegari, einbeitingin hans er einstök og hann hættir aldrei. Hann er maður sem æfir á öllum dögum og leitar aldrei af afsökun," sagði Rodgers.

„Það sem fólk sér kannski ekki er að hann er mjög gáfaður maður. Ég verð betri stjóri og betra manneskja af því að vinna með Luis Suarez og fyrir það vil ég þakka honum sérstaklega," sagði Rodgers.